~:: Bohot muddat se aisa hai ::~

Bohot muddat se aisa hai
Ke tum khaamosh rehtey ho

Koi gehra hai gham shayed
Jisey chup chaap sehtey ho

Yunhi chaltey huey tanha
Koi ghamgeen sa naghma
Tum aksar gun'gunatey ho

Doran-e-guftugu yunhi
Milein nazron se jab nazrein
To baatein bhool jatey ho

Kisi gumm summ si haalat mein
Ya phir barish ke mosam mein

Faqat itna he kehtey ho
Udasi be'waja si hai
Bohat bojhal tabiyat hai

Bhala such kyun nahi kehtey
Kisi ko yaad kartey ho