~:: Fareb-e-zaat se niklo ::~

Fareb-e-zaat se niklo, jahaan ke saanihey dekho
Haqiqat mun'kashf hogi, kabhi to aainey dekho

Wohi ik ajnabi jis se, taa'luq sar'sari sa tha
Hamarey dil mein hotey hein, usi ke tazkirey dekho

Likha hai waqt ne ye bhi, ajeeb apney muqaddar mein
Palatna he nahi jis ko, usi ke rastey dekho

Hamein samhjho na khush itna, labon ki muskuraahat se
Hamari ankh mein pehley, hazaron haad'sey dekho

Thakey haarey se bethey thay, magar teri sada sunn kar
Shikasta paa chaley aaye, hamarey hosley dekho